Тэрчлэн сургуулийн хүүхэд бүрт халуун хоол улсаас үнэгүй өгнө, хоёрдугаарт тэтгэвэрийн мөнгийг эрс нэмэх буюу "хүн ёсны тэтгэвэр" өгнө гэсэн нь олон нийтийн анхааралд орлоо.

Канадын Ерөнхий сайд Жастин Трюдо өнгөрсөн лхагва гарагт Тегераны ойролцоо осолдсон Украины онгоцны сүйрэлд Иран улсыг буруутгажээ. Тэрээр, "Бидэнд Украины онгоц Ираны пуужингийн цохилтонд өртсөнийг нотлох баримт олон эх сурвалжаас ирсэн. Иранчууд алдаа гаргасан нь гарцаагүй." гэжээ. Тегераны ойролцоо осолдсон Украины зорчигч тээврийн онгоцонд зорчиж байсан 176 хүн бүгд амь үрэгдсэн ба тэдгээрийн 63 нь Канад улсын иргэд байсан юм. Канадын Ерөнхий сайд Жастин Трюдо осолтой холбоотой асуултуудад хариулт өгөхийг Ираны талаас шаардаж байгаа ба Канадын засгийн газар тэдгээр асуултуудад хариулт авах хүртлээ тайвшрахгүй гэдгийг онцолжээ. Их Британийн Ерөнхий сайд Борис Жонсон Канадын Ерөнхий сайдтай адил мэдэгдэл гаргасан байна.

Украины Иргэний агаарын тээврийн Boeing 737 онгоц Ираны нийслэл Тегеран хотоос хөөрсөн даруйдаа осолдож, 180 зорчигч, онгоцны экипаж бүгд амь үрэгдлээ хэмээн Ираны төв телевиз мэдээллээ.

ОХУ-ын нийслэл Москва хотын агаарын хэм даваа гарагт цельсийн +6.2 хэмд хүрч, тус хотод цаг уурын ажиглалт хийж эхэлсэн 140 жилийн түүхэнд рекорд тогтоожээ. Өмнө нь 2015 оны 23-нд Москва хотын агаарын хэм цельсийн +5.9 хэм хүрч рекорд тогтоож байжээ. Өнгөрсөн долоо хоногийн лхагва гарагт Москва хотод + 5.6 хэм, пүрэв гарагт + 6.5 хэм дулаан байсан нь мөн л өмнөх жилүүдийн үзүүлэлтээс дулаан байсан байна. 10-р сарын эхэн, 4-р сарыг санагдуулам дулаан цаг агаарын улмаас зарим моднууд нахиалж, мөөг ургаж, шумуул хүртэл гарчээ.

Английн Хатан хаан 2-р Элизабет Зул сарын мэндчилгээндээ 1944 онд улс орнууд энх тайвны төлөө нэгдэж, Холбооны цэргийн эвслийн десант Нормандад буусан явдлыг онцолж, байгаль орчны төлөө тэмцэгч нарыг дэмжиж буйгаа илэрхийлжээ. Тэрээр, "Энэ жил бид маш чухал үйл явдлын ой тохиож байна. 1944 оны 6-р сарын 6-нд Их Британи, Канад, Америкийн 156 мянган цэргээс бүрдсэн десант Францын хойд зүгт Нормандид буусан нь хамгийн том цэргийн ажиллагаанд тооцогддог билээ. Тэр үед аавын маань царай ямар байсныг маш тод санаж байна. Аав маань нууц ажиллагааны тухай бүгдийг мэдэж байсан ч, түүнийгээ хэнтэй ч хуваалцах боломжгүй байсан.

Хятадын эрдэмтэд аалзны торгон утсыг нарийн судалсны эцэст хиймлээр боловсруулах хамгийн тохиромжтой аргыг олж нээсэн байна. Нанкай их сургуулийн эрдэмтэд полиакрилийн хүчлээс гаргаж авсан гидрогелийн утас ашиглаж, дууриамал аалзны торго хийх боломжтой талаар өнгөрсөн мягмар гаригт мэдэгдлээ.

Японы “Toshiba” корпорац хорт хавдрыг цусны шинжилгээгээр 99 хувийн нарийвчлалтай оношилдог шинэ арга боловсруулснаа мэдэгджээ. Оношилгооны энэхүү аргаар хорт хавдрын эсийг цусанд шингээдэг кодчилолгүй жижиг РНХ молекулуудын төрөл, бөөгнөрлийг илрүүлдэг байна. Шинжилгээг хийхэд ердөө нэг дусал цус, хоёр цаг орчим хугацаа шаардлагатай бөгөөд “Toshiba” компанийн мэргэжилтнүүд ийм шинжилгээ хийхийн тулд оношилгооны чип бүхий зөөврийн төхөөрөмж бүтээсэн байна

Бидний мэдэх УАЗ-469 өнөөдөр танигдахын аргагүй өөрчлөгдөж, “төрөл арилжжээ”. Одоо UAZ Patriot pickup нэртэй, туулах чадвар, тав тух илүүтэй болсон уг 69 ирэх оноос худалдаанд гарч эхлэх юм байна.

Италийн Венец хот усархаг борооны улмаас сүүлийн 55 жилд тохиолдоогүй их үерт автаад байна. Мягмар гарагийн шөнө усны түвшин 1.87 метрээр дээшилж, тус хотын иргэд, байгууллагуудын өмч хөрөнгийг ихээр сүйтгэжээ. Их үерийн улмаас 2 хүн нас бараад байна. Лхагва гаригт энэ хэмжээ 1.60 метр болж буурсан ч тус хотын сургууль, музейнүүд хаагдсан байна. Тэдгээрийн дотор Гэгээн Маркийн цогчин дуган багтжээ. 1,000 жилийн түүхтэй энэ дуган 2018 оны арваннэгдүгээр сард усанд автсаны дараа гантиг чулуун шал, хүрэл хаалгыг нь сэргээн засварлахад 2.2 сая еврог зарцуулж байв. Энэ удаа өмнөхөөсөө илүү хохирол гарах магадлалтай байна.

Энэтхэгийн парламентын доод танхим болох Лок Сабхагийн гишүүд хүүхдийн эсрэг үйлдсэн бэлгийн хүчирхийлэл бүхий онц хүнд гэмт хэрэгт цаазын ял оноох тухай Хүүхдүүдийг Бэлгийн хүчирхийллээс хамгаалах тухай нэртэй хуулийн төслийг санал нэгтэйгээр дэмжжээ. Уг хуулийн төсөлд хүүхдийн порно гэдэгт нэр томъёонд яг юуг хамаатуулах тухай тодорхой заасан ба уг гэмт хэрэгт ял ши

Хятадад хиймэл аргаар гаргаж авсан сэтгэц нөлөөт, мансууруулах бодис болох фентанилийг хил давуулан худалдаалж байсан хууль бус гэмт бүлэглэлийн 9 гишүүнд шүүхээс ял оноожээ. Хэбэй мужийн Шинтай хотын шүүхээс дээрх бүлэглэлийн толгойлогчид хар тамхи, мансууруулах бодис үйлдвэрлэсэн, борлуулсан хэргээр цаазын ял оноосон бол бүлэглэлийн хоёр гишүүнд бүх насаар хорих ял, бусдад нь 6 сараас 10 хүртэлх жилийн ял тус тус оноосон байна. Фентанил нь хиймэл аргаар гаргаж авсан, хамгийн хүчтэй мансууруулах бодис бөгөөд героиноос 60 дахин хүчтэй үйлчилгээ үзүүлдэг аж.

10-р сарын 7-ны энэ өдөр ОХУ-ын Ерөнхийлөгч Владимир Путины 67 насны төрсөн өдөр тохиож байгаа ба түүний хэвлэлийн нарийн бичгийн дарга Дмитрий Песковын мэдээлж байгаагаар Ерөнхийлөгч Владимир Путин төрсөн өдрөө гэр бүлийнхэнтэйгээ тэмдэглэх аж. Гэсэн хэдий ч Оросын төрийн тэргүүн төрсөн өдрөөсөө хэдхэн өдрийн өмнө ОХУ-ын Батлан хамгаалахын сайд Сергей Шойгугийн хамтаар Сибирьт амарчээ. Тэрээр Батлан хамгаалахын сайд С. Шойгугийн хамтаар ууланд алхаж, мөөг түүн, уулан дээрээс алсыг харж буй бичлэг цахим хуудаснуудад нийтлэгдсэн байна.

Өнгөрсөн амралтын өдрүүдээр Хонгконгт зохион байгуулагдсан жагсаалын үеэр цагдаа нар болон жагсагчид хооронд мөргөлдөөн үүсчээ. Өглөө нь тайван эхэлсэн жагсаал үдээс хойш эмх замбараагаа алдаж, жагсагчид хууль сахиулагчид руу Молотовын коктэйл, тоосго зэргийг шидэлж, гудамжинд гал тавьж байсан бол цагдаа нар жагсагчдын эсрэг даралттай ус, нулимс асгаруулагч хий зэргийг ашиглажээ. Түүнчлэн цагдаа нар хууль сахиулагчдын эсрэг хүч хэрэглэсэн жагсагчдыг таньж, саатуулах зорилгоор хөх өнгийн будагтай даралтат усыг ашигласан байна.

Дэлхийн хамгийн том нисэх онгоцны буудал “Дашин” албан ёсоор нээгдлээ. Хятадын төв телевизийн мэдээлснээр, нээлтийн арга хэмжээнд БНХАУ-ын дарга Ши Жинпинь оролцсон байна. Ирэх сарын 1-нд тэмдэглэх БНХАУ-ын 70 жилийн ойн өмнөхөн нээгдэж буй “Дашин” олон улсын нисэх онгоцны буудал өнөөдөр анхны нислэгүүдээ хүлээн авсан аж. Харин Бээжин хотын төвөөс шинэ нисэх онгоцны буудлын хооронд зорчигчдод үйлчлэх тээврийн үйлчилгээ пүрэв буюу маргааш эхэлнэ.

Хятад улсын нийслэл Бээжин хотын Олон улсын нисэх онгоцны буудал дэлхийн хамгийн олон хүн зорчдог нисэх онгоцны буудлын хоёрт зүй ёсоор ордог ч онгоцны нислэг хойшилдог тааруу үзүүлэлтээрээ мөн дэлхийд толгой цохидог билээ. Энэ нь Бээжингийн Олон улсын нисэх онгоцны буудал 2008 оны Бээжингийн олимпод зориулж шинэ терминалууд нээснээр жилд 85 сая хүн зорчин өнгөрөх хүчин чадлаа 100 сая болгон өргөжүүлсэн гэсэн үзүүлэлтийг харахад бас ойлгож болмоор үзүүлэлт аж.

Ухаалаг утас ба зомби (Smartphone ба Zombie) гэсэн үгсээс бүтсэн “Смомби” хэмээх хэллэг сүүлийн үед хэвлэлүүдэд нэлээн харагдах боллоо. Эргэн тойрноо мэдрэхээ байтлаа гар утсандаа донтож доош бэгцийн, зомби мэт болчихсон улсыг Smombies буюу Смомбичууд гэнэ.

Саудын Арабын газрын тосны үйлдвэр халдлагад өртсөний улмаас дэлхий дахинаа газрын тосны үнэ дунджаар 12-13 хувиар өсчээ. Brent нэрийн газрын тосны 11-р сарын фьючерсийн үнэ 67.8 ам. доллараас 71.62 ам. доллар хүртэл, WTI маркийн газрын тосны 11-р сарын фьючерсийн үнэ 60.09 ам. доллараас 63.47 ам. доллар хүртэл тус тус өсөөд байна.

"Exeter" их сургуулийн эрдэмтэд гар утаснаас ялгарч буй цацраг туяа эр бэлгийн эсийн хөдөлгөөнийг удаашруулж байгааг тогтоожээ. Судалгаанд оролцогч эрчүүдийн 50-85 хувь нь хэвийн байсан бол үлдсэн найман хувийнх нь эр бэлгийн эсийн хөдөлгөөн удааширч байгааг нотолсон байна.

“Дэлхийн нийслэл” хэмээн нэрийдэх болсон хил залгаа Хятад улсын нийслэл Бээжин хотыг зорин аялах, худалдаа наймаа хийх монгол иргэдийн тоо жил ирэх бүр нэмэгдэж буй. Зуны амралт хаяанд ирж, та ч бас яг л ийм шалтгаануудаар тус хотыг зорих гэж байгаа бол тус дөхөм болох нийтийн тээврийн талаарх мэдээллийг хүргэе.

Америкийн Төрийн департаментаас цагаачлалын болон цагаачлалын бус визнийхээ маягтыг өөрчилж, шинэ журам баталсанаар АНУ-ын виз хүсэгчид нийгмийн сүлжээгээ шалгуулах шаардлагатай болжээ. The Hill цахим хуудсанд бичсэнээр шинэ журам өнгөрсөн сарын 31-нээс эхлэн мөрдөгдөж эхэлсэн ба Америкийн Төрийн департаментийн төлөөлөгчийн хэлж байгаагаар виз хүсэгчийн талаар нэмэлт мэдээлэл цуглуулах нь тухайн хувь хүнийг шалгах үйл явцыг сайжруулна гэжээ.