Өнгөрсөн амралтын өдөр Италийн төвийн нутагт 6.6 баллын хүчтэй газар хөдлөлт болсны улмаас 20 орчим хүн гэмтэж бэртжээ.

Орон нутгийн цагаар ням гарагийн оройн 7:40 цагийн үед  тус улсын Норча хотоос хойд зүгт 6 орчим км зайтай орших газарт 10 км-ын гүнд газар хөдлөлт болсон байна.

Газар хөдлөлтийн улмаас байшин барилгуудын дээвэр, хана эвдэрч гэмтэж, хотын төвийн нэгэн сүм нуржээ.

20-иод хүн гэмтэж бэртсэн гэж тус хотын албаны хүмүүс хэлэв.

Норча хотын төвд амьдардаг 3000 орчим хүнд нүүхийг зөвлөж, хотоос оршин суугчдыг зөөх автобусуудыг гаргаж өгчээ.

Сүүлийн саруудад Италийн төвийн нутагт нэг бус удаа хүчтэй газар хөдлөлт болсон юм. Өнгөрсөн наймдугаар сард 6.2 баллын хүчтэй газар хөдлөлт болсны улмаас 300 орчим хүн амиа алдсан билээ. Мөн өнгөрсөн долоо хоногийн лхагва гарагт дээрхтэй адил хүчтэй газар хөдлөлт болсон юм.

Газар хөдлөлтийн дараах чичирхийлэл мэдрэгдсээр байгаа учир хохирлын хэмжээг тогтооход амаргүй байна гэж албаны хүмүүс хэллээ.

Урьд шөнийг хэдэн мянган хүн машин, майхан болон түр хоргодох байрнуудад өнгөрүүлжээ.

Г.Доржханд

холбоотой мэдээ

Палестиний хүндэт харуулын газарт унагасан малгайг Владимир Путин өмсгөж өгөв

ОХУ байгалийн хий нийлүүлсэн төлбөрөө зөвхөн рублиэр авна

Ерөнхийлөгч Доналд Трамп сонгууль шударга бус явагдсан гэж үзэж байна

Антонио Гутерреш Турк болон Украины төрийн тэргүүнүүдтэй уулзана

Сэтгэгдэл