Х.Тэргэл- Хайр 11 / 07
Цоо шинэхэн хувцас аваад
Өмсөж зогсохдоо баярладаг шиг
Цонхон дор ургасан цэцгийг
Харах бүрдээ баясдаг шиг
Тийм сайхан сэтгэлийг
Хайр чи надад бэлгэлдэг
Болзоонд явах гэж
Догдлон, чамайг харах гэж хөөрөн
Хөөрхөн харагдахыг хүсэх
Тэр л мэдрэмж юутай амтлаг
Хамтдаа идсэн хоолныхоо
Тулгаж уусан дарсныхаа аагийг
Мэдрэхгүй ч баяраар гийх
Тийм л агшин юутай гайхалтай
Хэтэвчинд байгаа зоос багахан ч
Солиод өмсөх эд цөөхөн ч
Өдөр өдрийн хүлээх учирал
Үнсэлт, тэврэлт бүгд халуухан
Хөлийн доор бужигнах шороо
Хөрш эгчийн зандрах дуун
Хаалганы чихрах чимээ
Утас чагнан хүлээх
Үгээр шаглахын аргагүй
Үзгээр бичихэд ур дутам
Хүн болж төрсний минь шагнал
Үзэсгэлэнтэй ,муухай бүгд л хүртдэг
Хайр хэмээх дөрөвхөн үгийг
Ханан дээр, зүрхэн дээр
Үеийн үед тодоос тод
Үргэлжлүүлэн үр ,ач минь сийлнэм...
Хайр ... харагддаг, үзэгддэг
Хайр амтагддаг, дулаацуулдаг
Хайр хатгадаг, өвтгөдөг
Хайр уйлуулдаг инээлгэдэг ч
Хаядаг, хаягддаг, хуурдаг ч
Хэзээ ч хэнийг ч уйдаахгүй
Зүрх цохилуулан догдлуулах
Хацарт халуу шатаах
Хайр хайр чамд мэхийн сөгднөм.
Хулганайн Тэргэл Чикаго хот 2016
холбоотой мэдээ
Сэтгэгдэл
