Өмнөд Солонгосын Ерөнхийлөгч Пак Гын Хэгийн авлигын дуулиантай холбогдуулан “Самсунг” группын өв залгамжлагч, Дэд ерөнхийлөгч Ли Жэ Ёнг өчигдөр баривчилсан талаар тус улсын Прокурорын ерөнхий газраас мэдээлснийг ВВС уламжлав.
Түүнийг эрхийг нь түдгэлзүүлээд буй Пак Гын Хегийн дотны найз Чой Сун Шилийн ашгийн бус байгууллагад хандив өгсөн хэмээн буруутгаж буй юм байна.
Өнөөдөр орон нутгийн цагаар 1:00 цагт Ли Жэ Ёнгийг байцаах болсон талаар албаны хүн хэлжээ. Зарим эх сурвалжид түүнийг Чой Сун Шилийн охинд олон тэрбумын үнэтэй хурдны морь бэлэглэсэн хэмээн мэдээлсэн байна.