Мундаг байна, сайн байна гэж урамшуулдаг хэдхэн үгээ хэрхэн баяжуулж болох вэ?

Хүүхдийн өдөр бүр сонсдог үгс тэдний өөрийгөө хөгжүүлэх мөн өөрийгөө дүгнэх, үнэлэх үнэлэмж болдог. Доорх үгсийг хэлэхээс гадна цаасан дээр бичээд өрөөнд нь наах, халаасанд нь хийх г.м-ээр илэрхийлсэн ч болно.

Яг үйлдэлд нь тохирсон урмын үг тань төсөөлснөөс ч илүү үр дүн авчрах болно.

* Хичээсний чинь үр дүн гарлаа

* Өчигдрийнхөөсөө илүү сайн байлаа

* Хөөх, чи өөрөө хийж чадлаа

* Гоё хэлээд гуйх чинь хөөрхөн байна

* Уйлахгүй хэлэхээр ямар гоё сонсогдож байна

* Дүүдээ тусалсанд баярлалаа

* Миний хүү ийм сайхан сэтгэлтэй шүү

* Охиноо чадна гэж итгэж байна

* Чамайг хараад бүр зориг орчихлоо

* Би чамдаа итгэж байна

* Илүү хичээхэд боломж харагдаж байна

* Аав ээж нь чамаас суралцмаар байна

* Хүн бүхэн алддаг. Гэхдээ дахиад алдахгүйг хичээхэд болно. Чи чадна

* Чамтай ярилцаад тайвширчихлаа.

* Чамтай ярилцах үргэлж хөгжилтэй байдаг

* Ээж нь үргэлж дэмжих болно оо

* Яг үүн шигээ хичээгээд байхад удахгүй хүссэндээ хүрнэ ээ

* Үнэнээ хэлсэн нь маш зөв

* Ээждээ итгэж сэтгэлээ нээсэнд баярлалаа

* Чи бидэнд ирсэн хамгийн том бэлэг

* Чи өөрөөр сэтгэж чаджээ

* Сурсан зүйлээ найзууддаа зааж өгч байгааг нь хараад бахархаж байна

Г.Төмөрзаяа

холбоотой мэдээ

2020 онд сэтгэцийн өвчлөл 15 хувиар өсөх магадлалтай

Нисэх онгоцны шинэ буудлын талаар авах арга хэмжээний тухай тогтоол гаргав

Автомашины урд шил болон урд хаалганы толь харах хэсэгт өнгөт хальс наахыг хориглодог

Хонгор сумаас эртний мөхсөн хөхтөн амьтны толгойн олдвор олджээ

Сэтгэгдэл