Бяслаг, тахианы махан бөмбөлөг 2017 / 12 / 02
Бяслаг, тахианы махан бөмбөлөгийг хэрхэн хийх вэ.
Орц: /10-12 порц/
• 1 бүтэн шарсан тахианы мах
• Моцарелла 200 гр
• Хатуу бяслаг 100 гр
• Сармис 1-2 хумс
• Барбекю сүмс, эсвэл кетчуп 1-2 х/х
• Халуун амттай сүмс эсвэл кетчуп 1 ц/х
• Өндөг 2 ш
• Гурил, нунтаг сухарь
• Ургамлын тос
• Барбекю сүмс эсвэл кетчуп
Хийх заавар
1. Тахиаг яс махыг нь хэсэглэн салгаад, жижиглэж хэрчинэ.
2. Моцарреллаг том нүхтэй үрүүлд үрнэ. Хатуу бяслагийг жижиг нүхтэй үрүүлд үрнэ. Сармисыг бяцлаад жижиглэж хэрчээд, халуун амттай сүмс эсвэл кетчуп болон барбекю сүмстэй нийлүүлж хутгана.
3. Хоёр бяслаг, тахианы махаа нийлүүлээд, дээр нь барбекю сүмс, халуун амттай сүмс эсвэл кетчуп сармисаа нэмж сайтар хольж хутгана.
4. Том саванд өндгөө хийж хутгана. Өөр саванд гурил, гурав дахь саванд нунтаг сухарь хийж тавина.
5. Саванд ёроолоос нь 10 см орчим өндөр байхаар ургамалын тос хийгээд, дунд зэргийн гал дээр тавьж 160 С хүртэл 4 минут орчим халаана. Гараа норгоод, тахианы махан шанзнаа хэсэглэн авч жигд хэмжээтэй бөөрөнхийлнө. Хушганы самар шиг хэмжээтэй байна.
6. Бэлтгэсэн бөмбөлөг бүрийг эхлээд гурилд, дараа нь өндгөнд, сүүлд нь сухарьт дүрж бүрээд, халаасан тосонд эргүүлж тойруулан шаргал хайрстай болтол нь шарж болгоно. Бэлэн болсон бөмбөлгүүдийг цаасан салфетка дээр гаргаж илүүдэл тосыг нь уулгаад таваглаж, халуун барбекю сүмсний хамт ширээнд өгнө.
gazarshim.mn
холбоотой мэдээ
Сэтгэгдэл
