Коронавирусийн халдварын талаарх иргэдийн асуултад УОК-ын Шуурхай штабаас хариулахдаа гадаад улсад шинэ коронавирусийн эсрэг вакцины хоёр тунгаа хийлгэсэн иргэд тусгай нислэгээр эх орондоо ирэхэд тусгаарлалтад оруулахгүй гэдгийг хэлсэн юм.

Өөрөөр хэлбэл, хоёр тун вакцинаа хугацаандаа хийлгэсэн иргэд холбогдох газар бүртгүүлж, гэртээ харих боломжтой юм байна.

Тусгаарлалтын тухайд гадаадаас ирж байгаа ч вакцинд хамрагдаагүй иргэдийг долоо хоног тусгаарлах ба хоёр удаа шинжилгээ авна. Шинжилгээний хариу сөрөг гарвал гэрт нь гаргана.

Ойрын хавьтлыг 14 хоног гэрээр тусгаарлах бөгөөд энэ хугацаанд 3 удаа шинжилгээ авч сөрөг гарвал нийгмийн харилцаанд орж болно.

Халдвар авсан хүн 14-21 хоног тусгаарлагдаж, шинжилгээ өгнө гэдгийг Шуурхай штаб мэдээллээ.

Г.Ганаа

холбоотой мэдээ

Хонгор сумаас эртний мөхсөн хөхтөн амьтны толгойн олдвор олджээ

Гадаад паспортын захиалгыг цахимаар авдаг боллоо

НӨАТ-ын 400 саяын азтан баримтаа гээжээ

Хорио цээрийн бүсэд ажиллаж буй алба хаагчдад эд материалын тусламж үзүүллээ

Сэтгэгдэл