ДЭМБ: Хилээ хааснаар Омикроны халдварын тархалтаас сэргийлж чадахгүй 2021 / 12 / 02
ДЭМБ-аас олон улсын аялал жуулчлалд хориг тавьснаар коронавирусын шинэ хувилбар болох Омикрон вирусын тархалтыг зогсоож чадахгүй учраас улс орнуудыг шинээр ямар нэг хязгаарлалт, хориг тогтоохоосоо өмнө эрсдлийг сайтар тооцохыг зөвлөж байна.
"Иргэдийг гадаадын улс орнууд руу зорчихын өмнө болон газардсаны дараа коронавирусын шинжилгээнд хамруулах, гадаадаас ирсэн иргэдийг тусгаарлах зэрэг арга хэмжээ авч болно." хэмээн ДЭМБ онцолжээ.
Харин 60-аас дээш насныхан болон халдвар авах эрсдэл өндөртэй иргэдийг гадаадын улс орнууд руу зорчихоо хойшлуулахыг зөвлөж байна.
ДЭМБ-аас гаргасан тайланд Омикрон вируст илэрсэн олон тооны мутациуд нь уг вирусыг халдварлах чадварыг нэмэгдүүлсэн байж болзошгүй ба уг вирус дэлхий даяар хурдацтай тархах магадлал өндөр байгаа гэжээ.
Омикрон вирус нь Өмнөд Африкийн өмнөд зүгт өнгөрсөн 11-р сард анх бүртгэгдсэн ба эрдэмтэд уг вирус нь өмнө нь бүртгэгдсэн вируснуудаас олон мутацитай байгаа учраас илүү өндөр эрсдэл дагуулна гэж урьдчилсан дүгнэлт гаргаад байгаа билээ.
Эх сурвалж: interfax.ru
Содномцэрэнгийн Энхзаяа
ikhmongol.mn
холбоотой мэдээ
Сэтгэгдэл
