Галт уулын дэлбэрэлтээс үүссэн хохирлын хэмжээг тодорхойлохоор онгоц илгээжээ 2022 / 01 / 17
Шинэ Зеланд улс Номхон далайд байрлах галт уулын хүчтэй дэлбэрэлт Тонгагийн Вант улс байрлах Тонга аралд хэдий хэмжээний хохирол үзүүлснийг тодорхойлох зорилгоор Тонга арал руу онгоцоо илгээжээ.
Галт уулын дэлбэрэлтийн улмаас Тонга арал үнсэнд дарагдаж, тог цахилгаан, харилцаа холбооны сүлжээ нь доголдсон байна. Олон Улсын Улаан Загалмайн Нийгэмлэг мөн Улаан Хавирган Сар Нийгэмлэгээс мэдээлж байгаагаар галт уулын дэлбэрэлт, дэлбэрэлтийн улмаас үүссэн цунами болон үер зэргийн улмаас Тонга арал дээрх 80 мянга орчим хүн хохирсон гэж урьдчилан тооцолж байгаа аж.
Шинэ Зеландын Ерөнхий сайд Жасинда Ардерны хэлж байгаагаар галт уулын дэлөэрэлтийн улмаас үүссэн цунами Тонга аралд ноцтой хохирол учруулсан ба арлын зарим хэсэгт тог цахилгааны сүлжээ сэргэж, зарим газарт гар утасны сүлжээ барьж эхэлсэн ч арал дээрх нөхцөл байдлын тухай тодорхой мэдээлэл одоог хүртэл хомс байгаа аж.
Сансрын хиймэл дагуулаас авсан зурагнаас Тонга арлын гадаргуу яг сарны гадаргуу мэт саарал байгааг харж болох юм. Тонга арал дээрх нөхцөл байдлын талаарх тодорхой мэдээлэл хомс байгаа учраас Шинэ Зеланд болон Австрали улс арал дээрх нөхцөл байдлыг үнэлэх, хохирлын хэмжээг урьдчилан тодорхойлохын тулд онгоцнуудаа илгээж байгаа аж.
Номхон далайн усан доор байрлах Хунга Тонга-Хунга Хаапаи галт уул өнгөрсөн бямба гарагт дэлбэрсэн ба дэлбэрэлтийн улмаас үүссэн цунами Тонга аралд хүрсэн ба хэд хэдэн улс эрэг дагуу амьдардаг бүс нутгийнхаа иргэдэд цунамигийн сэрэмжлүүлэг зарласан билээ.
Австрали болон Шинэ Зеландад ажиллаж, амьдарч буй тонгачууд гэр бүл, ойр дотныхон, найз нөхдийнхөө аюулгүй байдалд ихээр санаа зовж байгаа аж.
Эх сурвалж: BBC
Содномцэрэнгийн Энхзаяа
ikhmongol.mn
холбоотой мэдээ
Сэтгэгдэл
