70 жил хаан ширээнд суусан хатан хаан 2022 / 02 / 08
II Елизавета 25 настайдаа - 1952 оны хоёрдугаар сарын 6-нд хаан ширээнд суусан бөгөөд өнөөг хүртэл Их Британийг тэргүүлж байна.
Тухайн үед Оросын их удирдагч И.Сталин амьд байж, мэндчилгээ хүргэж байжээ.
Түүний засаглалын үед 15 Ерөнхий сайд солигдсон.
В.Черчиллээс Б.Жонсон хүртэл. Зарим нь хатан хааныг биширдэг, зарим нь түүний хаанчлалын бодлоготой санал нийлэхгүй байгаа ч хэн ч хайхрамжгүй ханддаггүй.
Их Британийн хамгийн удаан хаан ширээнд суусан энэ хүний зарим ишлэлийг энд оруулав.
Уйтгар гуниг бол бидний хайрын төлөө төлөх ёстой үнэ юм.
Өөрийгөө хэтэрхий нухацтай авч үзэхгүй байцгаая. Бидний хэн нь ч мэргэн ухааныг дангаар эзэмшдэггүй.
Сайхан дурсамж бол бидний аз жаргалын хоёр дахь боломж юм.
Манай дэлхий бол хамгийн таатай газар биш. Эрт орой хэзээ нэгэн цагт эцэг эх чинь чамайг орхих болно, хэн ч чамайг болзолгүйгээр хамгаалахгүй. Та өөрийнхөө төлөө зогсож сурах хэрэгтэй.
Би ард түмнээ тулалдаанд уриалахгүй, хууль ч бичдэггүй. Гэхдээ би ямар нэгэн зүйл хийх чадвартай хэвээр байна. Би эдгээр хуучин арлууд болон Их Британийн ард түмэнд зүрх сэтгэл, чин бишрэлээ өгч чадна.
Би амжилтанд хүрэх ганц томьёо мэдэхгүй ч манлайллын зарим шинж чанарууд нь бүх нийтийн шинж чанартай байдаг тул та өөрийн хүчин чармайлт, авьяас чадвар, санаа, урам зоригоо нэгтгэж хамтран ажиллах хэрэгтэй гэдгийг олон жилийн туршид ойлгосон.
Нөхөр маань олон жилийн турш миний хүч чадал байсан бөгөөд би түүнд өртэй. Бусад гэр бүлийн нэгэн адил бид ч гэсэн гэр бүлийн хэрүүл маргаантай байдаг.
Үзэн ядах, устгах амархан. Шинэ зүйл бүтээж, түүнийгээ дээдлэх нь хамаагүй хэцүү.
Би чөлөөт сэтгэлгээтэй болсондоо баяртай байна. Зарим хүмүүс үүнд дургүй байдаг ч би ийм л хүн.
Ажил бол бидний дэлхий дээрх байр сууриа олж авах үнэ юм.
Дэлхийн сүүлийн хоёр дайны авчирсан зовлон зүдгүүрийг хором ч мартахгүй байж л 1945 оноос хойш Европт байгуулсан энх тайвны үнэ цэнийг ухаарч чадна.
Жинхэнэ эх оронч үзэл нь бусдын эх оронч үзлийг ойлгоход саад болохгүй.
Энэ талыг баримтлах нь ямар их аз жаргал вэ!
Эх сурвалж: У камина.сом
Р.Сайхан-Уул
холбоотой мэдээ
Сэтгэгдэл
