"Их-7"-гийн удирдагчид Хирошимагийн Энх Тайвны Дурсгалын цэцэрлэгт хүрээлэнд хүрэлцэн ирэв 2023 / 05 / 19
Японы Хирошима хотод болж буй "Их-7"-гийн чуулга уулзалтанд оролцох улс орнуудын удирдагчид Хирошима дахь Энх Тайвны Дурсгалын цэцэрлэгт хүрээлэнд хүрэлцэн иржээ.
Зочдыг Японы Ерөнхий сайд Фүмио Кишида гэргий Юүкогийн хамтаар угтан авсан байна. Хирошима хотын төвд байрлах Энх Тайвны Дурсгалын цэцэрлэгт хүрээлэнг хааж, хамгаалалтанд авсан байна. Бусад хот мужуудаас мянга мянган цагдаа нарыг дайчилж, Хирошима хотын гудамж талбайд тогтмол эргүүл гаргасан байна.
Японы талаас "Их-7"-гийн чуулга уулзалтыг зохион байгуулах хотоор Хирошима хотыг сонгосон нь дэлхийн энх тайвныг онцлох хүсэлтэй холбоотой юм. 1945 онд АНУ Хирошима дээр дэлхийн анхны атомын бөмбөгийг хаяж, олон зуун мянган хүний аминд хүрч, тус хотыг газартай тэгшилсэн билээ.
Бөмбөгдөлтөөс бүтэн үлдсэн цөөн хэдэн барилгын нэг голын эрэгт байрлах дугуй оройт барилга нь уг аймшиг түүхэн үйл явдлын баримт болон үлджээ.
Түүнээс гадна Хирошима нь Ерөнхий Фүмио Кишидагийн төрсөн хот бөгөөд Ф. Кишида цөмийн аюулгүй байдал, цөмийн зэвсгээс татгалзах тухай сэдвийг голчлон хөндөнө гэж таамаглаж байна.
Барууны орнууд ОХУ-ыг Украинд явуулж буй дайндаа цөмийн зэвсэг ашиглахгүй байхыг анхааруулж, Хойд Солонгос баллистик пуужингууд болон цөмийн зэвсгийн туршилтуудаа эрчимжүүлээд байгаа билээ.
Энх Тайвны Дурсгалын цэцэрлэгт хүрээлэнд хамгийн сүүлд АНУ-ын Ерөнхийлөгч Жо Байден эхнэрийн хамт хүрэлцэн ирснээр "Их-7"-гийн удирдагчид тус цэцэрлэгт хүрээлэнд байрлах музейг үзэж сонирхох юм.
Ерөнхий сайд Фүмио Кишидагийн санаачлагаар улс орнуудын тэргүүнүүд зөвхөн хөшөө дурсгалуудад хүндэтгэл үзүүлээд зогсохгүй атомын бөмбөг ямар үр дагавар дагуулсан болохыг музейн үзмэрүүдээс харах аж.
Эх сурвалж: CNN
Содномцэрэнгийн Энхзаяа
ikhmongol.mn
холбоотой мэдээ
Сэтгэгдэл
