"ҮНЭГҮЙ ЗҮЙЛ ХУЛГАНЫН ХАВХАНД БАЙДАГ"

1. Бүх зүйлийг бэлэн ороод ирнэ гэж хүлээх хэрэггүй. Та өөрөө судал, суралц. Энэ цаг хугацаа хэн нэгнийг хүлээж, царайчлан суух цаг хугацаа биш.

2. Санаачлагатай бай. Хэн нэгний удирдлаганд, аль нэгэн компанид ажиллаж, хэлснийг нь л хийчихээд амьгүй юм шиг хайран цагаа үрээд суух хэрэггүй. Харин ч та тэр цаг хугацаанд байнга шинийг суралцахад эрэлхийлж, санаачлагатай байж, өөрийгөө хөгжүүл.

3. Өдөр бүр бага багаар ахиц дэвшил гарга. Цаг минут бүхэнд хийсэн зүйлс тань ирээдүйн том зүйлийг бүтээдэг болохыг сайн ойлго. Сардаа ядаж нэг шинэ зүйл бүтээ.

4. Дараа нь гэж бүү хойшлуул. Хийх зүйлээ цаг тухай бүрт хийж сур.

5. Өөрийн сэтгэлгээ, оюун ухаанаа чөлөөтэй байлга. Хэдийгээр орон зай, цаг хугацаа хязгаартай ч өөрийн оюун ухаан, сэтгэлгээндээ хязгаар тавих хэрэггүй.

6. Өөртөө хөрөнгө оруулалт хийхээс гар бүү тат. Оюундаа бага багаар хөрөнгө оруул. Сардаа ядаж нэг сургалтанд хамрагдаж бай.

7. Асуудал, зовлон бэрхшээлд өөрийгөө бүү даруул. Түүнийг боломж гэж харж сур.

8. Залуу хүмүүст цалин чухал ч сурч мэдэх нь хамгаас чухал. Өндөр цалинтай ажил хайж байгаа бол эхлээд өөрийгөө өндөр мэдлэг, ур чадварт сургахад анхаар.

9. Бизнестээ болон оюундаа хөрөнгө оруулалт хийж чадахгүй бол та амжилт, ахиц дэвшлийн талаар яриад ч хэрэггүй.

Ц.Одонтуяа

холбоотой мэдээ

Худалдаачин шударга бус, шуналт сэтгэлээс болж хохирч үлдсэн түүх /Сургамжит өгүүллэг/

70 жил хаан ширээнд суусан хатан хаан

Өндөр өсгийтэй гутал байнга өмссөнөөр өлмийд ирэх даралт ихсэж, эрхий хуруу хэлбэрээ алдан мурийдаг

Гелин будгийг 3 долоо хоноод заавал арилгаарай

Сэтгэгдэл