Онгоцоор нисэхэд хүний биед ямар өөрчлөлтүүд гардаг вэ? 2023 / 05 / 24
Онгоцоор нисэхэд хүний биед ямар өөрчлөлтүүд гардаг вэ? Ямар бэлтгэл хийх вэ?
Стрессийн түвшнийг 20-30% нэмэгдүүлдэг. Тийм болохоор хамгийн дуртай амттанаа цүнхлээд, аль болох тайвшруулах кино үзэж, дуу сонсоорой.
Маш их хуурайшуулдаг. Онгоцны агаар хамгийн хуурай гэдгийг мэднэ биз дээ? Тийм болохоор дандаа хөнгөн усны сав авч яваад шалган өнгөрөөд онгоцонд суухаасаа өмнө онгоцны буудлууд дээр байдаг ус цэвэршүүлэгчээс ус дүүргэж авах (онгоцонд өгдөг жижиг усанд найдалтгүй), аяллын хэмжээтэй чийгшүүлэгч мист авч явах, будаггүй яваад урт нислэгийн үеэр салфеткан маск тавих, харааны линз зүүхгүй нүдний дусаалгатай явах хэрэгтэй шүү.
Маш их бактери, нян үрждэг. Иймээс ариутгагч цацлага авч яваад гараа бас суудлын ойр орчмоо ариутгаад, мөн эргэн тойрны агаартаа цацаарай. Урт нислэгийн дараа дархлаа муутай үед ханиад хүрэх нь их элбэг байдаг.
Эрч хүч их зарцуулдаг. Хүчил төрөгч энгийн үеэс арай бага учраас та их сульддаг. Шингэн зүйл маш сайн уугаад, хоолоо идээд, 2 цаг тутамд босч алхаад цусны эргэлтээ сайжруулаад байх хэрэгтэй. Мөн нойрны витамин авч яваад уугаад унтах их зүгээр.
Гэдэс хийгээр дүүрч, цэрийдэг. Ийм учраас онгоцны буудал дээр хэт шарсан хуурсан хоол, хийжүүлсэн ус ундаа уухгүй байсан нь дээр шүү.
Онгоцондоо тухтай явна гэдэг чинь сайхан аяллын хамаг чухал эхлэл нь шүү дээ.
Нямдоржийн Ану
холбоотой мэдээ
Сэтгэгдэл
