“Найрсаг Улаанбаатар” хөтөлбөрийн хүрээнд Улаанбаатар хотын музейгээс хотын иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалыг хөшөө дурсгал, сүм хийд, дурсгалт барилга, дурсгалт газар гэсэн дөрвөн чиглэлээр, цувралаар танилцуулж байна. Улаанбаатар хотод зорьж үзэх хөшөө дурсгалуудад:

-Д.Сүхбаатарын морьтой хөшөө

-Х.Чойбалсангийн хөшөө

-Эмнэг сургагч баримал

-Зөвлөлтийн дайчдад зориулсан дурсгалын хөшөө цогцолбор

-Ажилчны алдар баримал зэрэг багтдаг.

Д.Сүхбаатарын хөшөөг 1946 онд барималч С.Чоймбол бүтээсэн байна. Энэхүү хөшөөг Ардын хувьсгалын 25 жилийн ойг тохиолдуулан Монголын үндэсний баатар Дамдины Сүхбаатарт зориулан босгосон гэж түүхийн сурвалжуудад тэмдэглэн үлдээжээ. МАХН-ын Төв хороо, Сайд нарын зөвлөлийн 1946 оны 13/3 дугаар тогтоолоор төв талбайд байгуулахаар шийдвэрлэсэн байна. Монгол хүний бүтээсэн орчин үеийн анхны хөшөө гэдгээрээ онцлог бөгөөд Нийслэлийн Засаг даргын 2008 оны 357 дугаар захирамжаар хөшөөг Сүхбаатар дүүргийн хамгаалалтад авчээ.

2011 онд хөшөөг анхны эх байдлаар бүхэлд нь шинэчилж, Д.Сүхбаатарын морьтой хөшөөг хүрэлджээ. Хөшөөний урт 4.1 метр, өргөн 1.85 метр, өндөр 10.62 метр, морьтой хөшөөний өндөр 4 метр юм. 

Г.Ганаа

холбоотой мэдээ

“Чингис хаан” ОУ-ын нисэх буудал долдугаар сарын нэгнээс эхлэн ажиллана

Долдугаар сарын 16-ны ажлын өдрийг 24-нд шилжүүлсэнээр наадмаар ес хоног амарна

Нийт 31200 гаруй хүнийг цагаатгаж, нэр төрийг нь сэргээгээд байна

Газрын тос боловсруулах үйлдвэр байгуулна

Сэтгэгдэл